L 69
[1] Hic LIEN -nis, per -i-, idest splen; sed lyen, per -y-, Venus; unde Plautus 'lien necat renes dolent pulmo destruitur'. [2] Unde hec linosis -sis, idest morbus splenis, et hinc linosus -a -um et lienosus -a -um, spleneticus, qui patitur in splene; unde Plautus in Cassia (414) 'cor ut opinor lienosum habeo'. [3] Item a lien hic Lieus -ei, idest Bachus, quia a splene risus procedit et ebrii semper rident; vel Lieus a ligo -as quia ligat linguam et impedit, vel a lienon, quod est lene, quia multo vino membra solvantur et leniantur; et inde lieus -a -um, idest bachicus. [4] Item a lien longus -a -um, quia sit porrectus ad modum lienis, et comparatur -gior -simus, unde longe -gius -sime adverbium, et hec longitudo -nis et longiturnus -a -um, idest diuturnus, longe durans, et similiter comparatur; et inde hec longiturnitas -tis, diuturnitas. [5] Item a longus longinquus -a -um, idest remotus, et comparatur; et inde hec longinquitas -tis. [6] Item a longus longo -as, idest longum facere vel differre; et componitur allongo -as, delongo -as, idest valde longare vel curtare, dilongo -as, diversis modis vel in diversas partes longare, elongo -as, extra vel valde longare, prolongo -as, procul longare. Longo activum est cum omnibus suis compositis. [7] Longus componitur bislongus -a -um, quasi bis tantum longus, oblongus -a -um, idest quod in medio dilatatur sed in capitibus restringitur ut navis, ovum; [8] et longanimis -e et longanimus -a -um, qui nullis passionibus perturbatur sed ad universa sustinenda patiens est: idem et magnanimus, cui contrarius est pusillanimus, angustus et in nulla tribulatione obsistens; [9] longevus -a -um, idest longi evi, scilicet senex, unde hec longevitas -tis, idest longi evi vita vel etas; [10] et semilongus -a -um, et quamlongus et tamlongus, idest valde longus. [11] Longe adverbium componitur alonge, delonge, elonge, omnia in eodem sensu et producunt penultimam et super eam debet poni accentus iuxta regulam superius positam. [12] Item longus componitur cum hasta et dicitur hec locusta -e, quia pedibus sit longis velut hasta, unde et eam Greci tam maritimam quam terrestrem astacon appellant et dicunt quod est grillus vel aliud animai simile illi.
Colonna con sottomenu di navigazione
