Responsiva magistri Iohannis
Bucula que species et sanas ruminat herbas
ut morbis hominum lac medicale ferat,
pectus et ora viri gestans, mirabile dictu,
et nomen Guido, gaudeat unde canat:
hoc ita Minciadis interpres arundinis orat,
nomen habens per quod reddita lingua seni.
Mentis ut in speculo gaudemus ymagine iungi,
sic rogo iungantur corpora leta loco.
Equa piis igitur faveant si numina votis,
pandentem cernes me Nemus Arva Frigen.
Colonna con sottomenu di navigazione
