D 53
[1] Hec DICTIS -tis, quedam civitas in Creta, unde dicteus -a -um et hic et hec dictensis et hoc -se et hic Dictannus -ni idest Creta, unde hoc dictannum, quedam herba quia ibi abundat. [2] Item a Dictis et Dictannus hec Dictinna, idest Diana, quia ibi colitur; vel dictia grece, latine dicuntur retia, inde Diana dieta est Dictinnia, quasi retiaria, a retibus, quibus utitur in venatione, vel quia, cum Brito, Martis filia, in flumen dilapsa esset nec inveniri posset, Diana, factis retibus, que grece dictia dicuntur, eam inventam extraxit et inde Dictinnia dieta est.