C 45
[1] CARPOS grece, latine fructus vel semen, unde per compositionem et a foros, quod est ferre, dicitur hic Carpoforus, quidam deus paganorum, quod latine interpretatur frugifer, et hoc carpobalsamum, de quo precessit sermo, [2] et carporo -ras, idest sauciare, ferire, quod magis videtur derivari a carpo -pis. Item a carpos hec Carpathos vel Carpathus quedam insula, propter celerem fructuum maturitatem, a qua dicitur mare Carpathium, et hec carpasia -e navis magna et spatiosa, sicut a Rodo rodia.
Colonna con sottomenu di navigazione
