Z 50
[1] Hec ZONA -e, cingulum et proprie latum; unde et zona dicitur lata portio terre, calida vel frigida vel temperata ex propinquitate vel remotione vel medioximitate solis; unde hec zonula et hec zonella, ambo diminutiva, et zonarius -a -um, ad zonam pertinens vel zonas faciens; [2] et per compositionem hoc zonifragium, idest fractio zone, et azonus -a -um, idest sine zona vel extra zonam. Unde et azoni dicuntur Dei extra zonam zodiaci manentes, et similiter signa dicuntur azona que non continentur intra zonam zodiaci.
Colonna con sottomenu di navigazione
