U 34
[1] VIVO -is vixi victum, unde vivus -a -um, et hinc vividus -a -um, fortis, agilis, et per compositionem semivivus -a -um. [2] Item a vivo vivax -cis, vividus, fortis, et comparatur, unde hec vivacitas; item a vivo hoc vivarium, locus ubi pisces pascuntur et impinguantur. [3] Item a vivo hec vita, vel vita dicitur propter vigorem vel quia vim teneat nascendi et crescendi, unde et dicitur vita quasi vim tenens, et est ethimologia; unde vitalis -le, vitaliter; [4] et hec vitalia, ut intestina, quia ibi vita, idest anima, continetur; et hic vitellus -li, morellus sive meditullium ovi, Oratius in Sermonibus 'marem cohibent collossa vitellum', et alibi (2, 4, 57) 'volvens aliena vitellus'; invenitur in plurali hec vitella -orum. [5] Item a vita vito -as, cavere, vitabilis -le, et vitabundus -a -um; [6] vito componitur devito -as, evito -as, valde vitare, unde devitabilis -le, et evitabilis -le, [7] et per compositionem inevitabilis, et indevitabilis -le; invito -as, quasi non vitare, sed ad se trahere et allicere. Et vito et eius composita sunt activa et producunt hanc sillabam, scilicet vi-. [8] Vita componitur invitus -a -um, non volens, quasi contra vitam, idest voluntatem; [9] et cum paro -as, et dicitur vitupero -as, idest in vitam alicuius aliquid turpe parare, unde vituperabilis -le, vituperabiliter, et vituperium, et hinc vituperiosus -a -um, et comparatur. [10] Item a vivo hic victus, unde victuarius -a -um, ad victum pertinens, et victualis -le idem; Iosephus 'abunde ministraverunt militibus et camelis victualia'; et vieto -as, victum querere, unde victito -as, frequentativa, possunt etiam ista esse frequentativa huius verbi vivo, [11] Vivo componitur advivo -vis, valde vel iuxta vel ad utilitatem vivere; convivo -is, simul vivere, unde hic convictus -tus, et hic convictor, qui simul cum alio vivit, et hic et hec conviva, similiter qui simul cum alio vivit et comedit, [12] unde hoc convivium, lauta comestio et magna, et hinc conviviolum diminutivum, et convivor -aris, convivium facere vel celebrare, vel insimul comedere, unde hoc convivatorium, locus in quo convivantur, quod etiam convivorium dicitur; [13] revivo -is; et hinc inchoativa vivisco, advivisco, convivisco, revivisco. Vivo et eius composita sunt neutra et faciunt preteritum in -xi et supinum in -ctum et producunt hanc sillabam vi.
Colonna con sottomenu di navigazione
