U 24
[1] VETO -as vetui -titum, prohibere, unde hic et hec et hoc vetus -eris, quod antiqui dicebant veter, et comparatur -rior -rimus, et dicitur a veto, quia talium est prohibere a delictis; [2] et inde vetero -as, antiquare, senere, et est absolutum, licet inveniatur transitive positum, ut 'veteravi capam meam', et inde veterator, in malis inveniendis et statuendis perseverans, quasi quia sit multi et veteris usus in malitia; Terentius in Eunucho (Andr. 457; Haut. 889) 'veterator', impostor, exagitator. [3] Et componitur convetero -as, invetero -as, et est neutrum cum omnibus suis compositis. [4] Item a vetus vetulus -a -um, aliquantulum vetus, et hec vetustas -tis, et vetustus -a -um, idest antiquus, et comparatur, et veterosus -a -um, vetustus vel vetustate plenus, et veteranus -a -um, senex, detritus, emeritus. [5] Item a vetus hoc veternum, quedam infìrmitas, que facit hominem diu languere et pigrere et iuvenem videri senem, et ponitur sepe pro pigritia; vel etiam dicitur sic quedam infìrmitas quam habent veteres ex consueto, sicut est oblivio, gravitas et guttositas, unde Oratius cur me funesto properant arcete veterno'; [6] et inde veternus -a -um, et veternosus -a -um, qui talem morbum patitur: Terentius in Eunucho (688) 'hic est vietus vetus veternosus senex'. Distingue: vetus est convicii, quasi contemptibilis, veternosus ex morbo, senex etate, et est reverentie. [7] Item a vetus vetellus -a -um, idest vetulus; et componitur quamvetus, idest valde vetus, et pervetus, idest valde vetus, sicut quamvetustus, et pervetustus, idest valde vetustus. [8] Veto componitur deveto -as, eveto -as, et est activum cum suis compositis, et preteritum facit in -tui et supinum in -itum et corripit hanc sillabam ve-.
Colonna con sottomenu di navigazione
