U 6
[1] VAPORO -as, calefacere, urere vel vaporem emittere vel vaporando emittere, unde vaporamen, et vaporabilis -le, et hic vapor -ris, idest calor, unde vaporus -a -um, et vaporeus -a -um, et vaporosus -a -um. [2] Et hec vappa -pe, vile vinum quod ex fece exprimitur vel ex vinacio cum aqua, et est fere nullius saporis, unde vappa dicitur insipiditasi et vappa, ardalio, prodigus, superfluus, qui insipide et indiscrete dispergit res suas et nullius probitatis est; [3] unde vappidus -a -um, insipidus, sine sapore, et comparatur, unde hec vappiditas, idest insipiditas. [4] Item a vapor vapulo -as neutrumpassivum, idest verberari, et signifìcat passionem ab alio illatam et construitur cum ablativo, interposta a vel ab prepositione, ut 'vapulo a te', idest 'verberor a te'. Vaporo cum suis compositis, si qua habet, activa sunt.
Colonna con sottomenu di navigazione
