U 2
[1] VADO -dis vasi vasum, idest pergere; unde hoc vadum, locus brevis et humilis in aqua, quia per eum possit vadi, idest ambulati pedibus; vada Virgilius appellat brevia, Greci bracen; unde vadulum diminutivum, et vadosus -a -um, et comparatur. [2] Et vado -as, per vadum transire vel per vadum ducere ut 'vado istum' vel 'vado equum'; et componitur pervado -as, revado -as, transvado -as, et est neutrum cum suis compositis pro transire per vadum, in alia signifìcatione est activum, et producit va-. [3] Item a vado hic vas -dis, idest obses vel fideiussor, quia, dato vade, licet abire et vadere, unde hoc vadium, et hoc vadimonium in eodem sensu, scilicet pignus vel fideiussio; [4] unde vadio -as, in vadio ponete, et componitur convadio -as, invadio -as, obvadio -as, contra alium vadiare, revadio -as, repignorare, a vadio recolligere, subvadio -as, post vel latenter vadiare, et est activum cum suis compositis. [5] Item a vas -dis vador -aris, in vadem ponete, in vadem dare, ut 'ego vador illum cibi', idest 'do illum tibi in vadem', vel vadati idest vocare ad iudicium, ad placitum, vel fideiubere vel litigare vel polliceri; et erat olim commune, sed modo tantum deponens, et pertinet non solum ad homines, sed etiam ad alia, ut 'vador tibi equum meum vel mantellum meum'. [6] Et componitur convador -aris, evador -aris, poscere, flagitare vel a vadatione liberare, removere, revador -aris, vadem recolligere; et est deponens cum suis compositis et producit va-, [7] Vado componitur convado -is, evado -is -vasi -vasum, extra vadere, effugere, liberari, invado -is -vasi -vasum, contra vadere, impetere, aggredì, arripere, pervado -is -vasi, perfecte vadere vel per aliquid vadere. Vado et eius composita neutra sunt preter invado, quod est activum, et omnia faciunt preteritum in -si et supinum in -sum.
Colonna con sottomenu di navigazione
