T 138
[1] TONDEO -es totondi tonsum, capillos secare et diminuere, in circuitu corrodere; unde tonsor, et, interposita t, invenitur hec tonstrix, unde hec tonstricula diminutivum, et hec tonstrina, officina vel locus vel domus in quo tondetur. [2] Item a tondeo hec tonsa -se, remus, quod et hic tonsus dicitur; sed potius tonsa vel tonsus dicitur palmula remi qua aquam percutit, unde et dicitur sic quia aquam tondeat, vel dicitur a tundo, quasi tunsa vel quasi tunsus, quia aquam tundat, unde hec tonsula, et hec tonsilla diminutiva; [3] tonsilla etiam forpicula, et tonsilla dicitur uncinus ferreus vel ligneus, ad quem in litore fìxum navium funes illigantur, unde Ennius (ann.) 'tonsillas rapiunt, confìgunt litus aduncas'. [4] Item a tondeo hic tophus, lapis asper et cavernosus, quia ambulantes super se tondet, unde hic tophulus diminutivum; [5] item a tondeo hoc tonsorium, idem quod tonstrina, scilicet locus ubi tondetur, et hec tonsura -re, et tonsus -a -um, et componitur intonsus -a -um. [6] Item a tondeo tondito -as frequentativum, et tonso -as similiter frequentativum, a quo aliud frequentativum, scilicet tonsito -as. [7] Item tondeo componitur attondeo -es, valde fondere, contondeo -es, circumtondeo; [8] detondeo -es, valde fondere vel deorsum, unde detonsus -a -um, et componitur indetonsus -a -um; [9] retondeo, subtondeo, subtus vel parum vel post fondere. Tondeo cum suis compositis activum est et amittit geminationem preteriti in compositis.
Colonna con sottomenu di navigazione
