S 288
[1] SPOLIO -as, denudare, spolia auferre, unde spoliatorium, locus spoliandi, et hoc spolium, et sunt spolia privatorum, exuvie ducum et divitum, unde hoc spoliarium, locus ubi spolia reponuntur, scilicet exterior balneorum cellula. [2] Spolio componitur cum vis et dicitur vispillo -nis et vispilio -nis, latro, predo, quasi vi spolians; item componitur cum vestis et dicitur hic vespelio -nis, sepulcrorum violator, scilicet qui mortuos exspoliat, vel componitur a violo -as et sepulcrum, vel a veho -is, qui violat sepulcrum et sepulti vestem vehit. [3] Spolio componitur conspolio -as, dispolio -as, despolio -as, exspolio -as, unde hec exspolia -e, preda, sic dieta ab expoliando. Spolio cum suis compositis activum est.