S 263
[1] SCRIBO -is -psi -ptum, idest componere figuras litterarum, vel scribere est fìguris visibilibus ante inventis et usitatis aliquid representare, unde scriptilis, scriptiliter, et scriptura, unde scripturalis -e, idest scriptum. [2] Item a scribo hoc scriptorium, locus vel potius instrumentum scribendi, et scriptim adverbium, idest expresse vel per singula scripta. [3] Item a scribo scripto -as frequentativum, a quo scriptito -as aliud frequentativum; [4] item a scribo hic scriptor, et hic scriba -e, et est scriba nomen offìcii, unde hic scribatus -tus, scribe officium vel dignitas; scriptor dicitur qui frequenter vel assidue scribit, vel qui peritiam habet scribendi, et similiter quodlibet verbale in -or convenit alicui ex frequentia vel assiduitate vel industria. [5] Scribo componitur ascribo -is, asserere, addicere, destinare, deputare, unde ascripticius -a -um, alicui rei deditus et deputatus, abscribo -is, a scriptura removere, delere; [6] conscribo -is, simul scribere, unde patres conscripti dicebantur, quorum nomina simul in enea tabula aureis litteris scripta erant: aureis litteris propter maiestatem et dignitatem imperii denotandam, in enea tabula propter perpetuitatem imperii insinuandam, nichil enim est perennius ere. [7] Circumscribo -is, circumcirca scribere, cingere, circumire, concludere, includere vel stringere vel removere, unde circumscriptibilis -e, circumscriptibiliter; et componitur incircumscriptibilis -e, incircumscriptibiliter, ut Spiritus; [8] item a circumscribo circumscriptus -a -um participium vel nomen, cautus vel callidus, argutus vel strictus, unde circumscripte adverbium, argute, caute, circumspecte vel striete, et componitur incircumscriptus -a -um. [9] Describo -is, deorsum vel valde scribere vel a scriptura removere vel scripturam delere; inscribo -is, iniungere, deputare vel imprimere vel intus scribere, unde inscripticius -a -um, iniunctus vel deputatus; [10] interscribo -is, inter aliqua scribere, interponete vel de medio scripture aliquid auferre, perscribo -is, perfecte scribere. [11] Prescribo, ante scribere, predocere, prestruere vel aliquo spatio temporis aliquid possidendo acquifere; unde hec prescriptio -nis, acquisitio dominii super aliquam rem aliquo certo spatio temporis possidendo; et est quedam prescriptio quadriennalis, quedam quinquennalis, quedam tricennalis et plurium aliorum numerorum et est tracta hec signifìcatio inde, quia prescribere et prescriptus ordinem signifkant, et hinc prescriptio apud iuris consultos cum aliquid acquiritur ante possidendo. [12] Proscribo -is, procul a scriptum removere, unde proscripti dicebantur quorum nomina de enea tabula delebantur cum condemnabantur aliquo scelere, unde et proscribere, idest damnare, et proscriptus -a -um, idest damnatus, sed proprie cum aliquis ita damnatur quod nomen eius proscribitur de consortio eius ordinis. [13] Rescribo -is, iterum vel retro contra scriptum scribere: qui primo mittit epistulam scribit, qui remittit rescribit; subscribo -is, idest parum vel post vel subtus scribere, transcribo -is, ultra scribere vel post scribere. Scribo et eius composita sunt activa et faciunt preteritum in -psi et supinum in -ptum et producunt hanc sillabam scri-.