S 200
[1] SORDES -dis, putredo, metallorum scoria et aliarum rerum, unde hec sordecula -e diminutivum, et sordidus -a -um, immundus, sordidatus, et comparatur; [2] unde hec sordiditas, et sordidulus -a -um, aliquantulum sordidus; et sordido -as, sordidum facere. [3] Unde sordeo -es -ui, idest esse vel fieri sordidum, putrere, displicere, fetere; et componitur obsordeo -es, undique sordere, resordeo -es, et hinc inchoativa sordesco -is, obsordesco, resordesco. Sordeo et eius composita neutra sunt et faciunt preteritum in -dui et carent supino; sordido -as cum suis compositis activum est. [4] Item a sordes surdus -a -um, quasi sordidus, a sordibus humorum auribus conceptis, et quamvis multis casibus accidat, nomen tamen eger ex predicto vitio retinet, et comparatur; unde hec surditas -tis, et surdulus -a -um et surdaster, ambo diminutiva. [5] Et surdo -as, idest facere surdum, unde surdeo -es -ui, idest esse vel fieri surdum, [6] et componitur utrumque obsurdo -as, et obsurdeo -es, undique surdare vel contra, similiter undique vel contra surdere, unde obsurdesco -is, et similiter a surdeo surdesco. Surdeo cum suis compositis neutrum est, surdo -as cum suis activum est.