S 126
[1] Hoc SIGNUM, nota, ostentum, vexillum, unde hoc sigillum diminutivum, sicut signum anuli; et illud quod fit in cera litterarum similiter dicitur sigillum; [2] unde sigillo -as, sigillum facere vel sigillo designare, firmare, claudere; [3] unde verbalia, et sigillatim, idest expresse, et hec sigillatura -e; [4] et componitur consigillo -as, dissigillo -as, diversis modis sigillare vel sigillum removere, [5] desigillo -as, valde sigillare vel sigillum removere, insigillo -as, valde vel intus sigillare, [6] resigillo -as, idest retro sigillum auferre, aperire, vel iterum sigillare. Et est activum sigillo -as cum omnibus suis compositis. [7] Item a signum signo -as, idest signum facere vel signo designare, exprimere, ostendere, unde signanter, idest evidenter, aperte. [8] Et singulus -a -um, idest unus vel unicus, sed in plurali accipitur distributive, ut 'singuli comedunt', idest separatim, quilibet per se, unus et unus per se; unde singulatim adverbium discretivum, idest per singulos, pro quo quidam dicunt singillatim, sed male. [9] Et singularis -e, singulariter, singularitas, et singulo -as, singulos facete, unum et unum per se dividere. [10] Signo componitur assigno -as, alicui aliquid designare quod debeat habere vel facere, consigno -as, simul signare, designo -as, valde signare et distinguere et signum frangere et removere, aperire, et est tractum ab ilio qui signum vel sigillum frangit et ita aperit litteras et manifestat, et ideo designare dicitur aperire et manifestare; Oratius 'quid non ebrietas designat? operta recludit'. [11] Presigno -as, resigno -as, iterum signare vel signum auferre et aperire vel retro signare, reddere, restituere; et est activum cum omnibus suis compositis. [12] Signum componitur signifer -a -um et hoc intersignium vel intersignum, quod est inter duo signa, vel signum quod est inter alia, sicut aliquid solet mitti de uno ad alium causa signi et notitie. [13] Et significo -as, signum facere, manifestare, notificare, exprimere, unde hec significantia -e, expressio, significano et designatio suppositi expressa, et significanter, idest expresse, aperte, unde significantius, idest expressius. Et forte invenitur significans -tior -mus, idest expressus, et hinc significanter -ius -me adverbium, et hec significantia. [14] Significo componitur consignifico -as, idest preter principalem significationem secundario aliquid dare intelligi quo modo verbum consignificat tempus. Item consignifìcare idest simul significare idem; item consignifìcare idest ex adiuncto, non per se, significationem contrahere, quasi non per se sed cum alio significare quo modo coniunctio et adverbium et prepositio consignificant. [15] Item signum componitur insignis -e, preclarus, ornatus, nobilis, unde hoc insigne, idest ornamentum, et insigniter adverbium, et insignio -is, idest nobilitare, ornare, insignem facere, et est activum.