S 104
[1] SESQUI, idest totum, unde per compositionem hic sesquipes -dis, idest totus pes, scilicet mensura unius pedis; Persius 'pinguis aqualiculus propenso sesquipede extat'; [2] unde sesquipedalis -e, idest qui continet mensuram totius unius pedis; Oratius (ars 97) 'proicit ampullas et sesquipedalia verba', idest totum pedem obtinentia; [3] unde sesquipedaliter adverbium et hec sesquipedalitas -tis. [4] Item sesqui componitur cum alter et dicitur sesqualter -a -um, continens totum et totius medietatem, unde ternarius est sesqualter binarii vel ad binarium, quia continet ipsum totum et eius alteram pattern; [5] et componitur subsesqualter -a -um, qui ab alio totus continetur et eius altera pars, ut binarius est subsesqualter ternarii vel ad ternarium. [6] Item sesqui componitur sesquitertius -a -um et sesquioctavus -a -um, idest continens alium totum et eius tertiam partem, ut quaternarius ternarium, vel continens alium totum et eius octavam partem, ut novenarius continet octonarium; [7] et per compositionem subsesquitertius -a -um et subsesquioctavus -a -um, qui ita continetur ab alio; [8] et similiter potest dici per compositionem sesquiquartus -a -um, sesquiquintus -a -um et sesquisextus -a -um et sic in consimilibus. [9] Item sesqui componitur cum plica et dicitur sescuplus -a -um, quasi sesquiplicus, idest continens aliquod totum et plicam totius, idest medietatem, [10] unde hec sescupla -e, idest totum et dimidium, scilicet summa capitalis et dimidium, unde in Decretis.
Colonna con sottomenu di navigazione
