S 101
[1] SEROS oppidum est Serum, unde hic Seres -ris dictus est ille populus; [2] unde hoc sericum -ci, quod vulgo dicitur seta, quia apud eos abundant vermes qui sericum egerunt, scilicet bombices, a quibus hec fila circum arbores ducuntur; [3] et hinc sericus -a -um, et hec serica, quedam vestis de serico, et sericatus -a -um, serico ornatus vel intextus, [4] et serico -as, serico ornare vel intexere; [5] et per compositionem olosericus -a -um, quod superius distinctum est, et tramosericus -a -um, habens tramam sericam, unde hec tramoserica -ce, quedam vestis lineo stamine sed trama serica.