S 35
[1] Hec SANDIX -cis, genus rubee herbe de qua fìt quedam tinctura, [2] unde sandicus -a -um et sandicius -a -um, tali colore infectus, et sandicinus -a -um in eodem sensu, [3] et hec sandarica -ce, genus coloris colore cinnabareo, odore sulfureo, [4] et hoc sandalium, quidam pannus quo equi solent cooperiri nobilium, ut pape, cardinalium. [5] Sandalia etiam dicuntur subtelares quibus papa et episcopi solent missas cantare, quales beatus Bartholomeus deferebat. [6] Sandalium etiam dicitur pannus quo operiebantur vulnera vel corpora mortuorum; et hinc hec sandapila -e, idest feretrum in quo defuncti portantur, et maxime plebei, gladiatores; Iuvenalis (8, 175) 'inter carnifìces et fabros sandapilarum'. [7] Item a sandix hic sandonicus, color fuscus et vilissimus quo infìciebant se qui nolebant agnosci, et sandonicus -a -um, [8] et hec Sandea, insula Rubri maris.
Colonna con sottomenu di navigazione
