Q 6
[1] QUEO quis quit, quivi vel quii, quitum, idest posse, et componitur nequeo -is -ivi -quitum, idest non posse, [2] unde hic et hec et hoc nequam indeclinabile, idest malus; sed malus naturaliter, ut dicunt, sed nequam qui nequit se continere a sceleribus; item nequam dicitur luxuriosus, quia incontinens est; et comparatur -or"-mus, unde nequiter -ius -me adverbium [3] et hec nequitia -e, idest malitia vel luxuria, unde (Ov. fast, i, 414) 'nequitia est que te non sinit esse senem', et hinc nequitiola diminutivum. [4] Item a nequam nequito -as neutrum et nequitor -aris deponens, nequam esse vel potius nequiter agere. Queo neutrum est cum omnibus suis compositis, si qua habet, et corripit penultimam in supino.
Colonna con sottomenu di navigazione
