P 148
[1] PREMO -is -ssi, idest stringere vel deprimere et flectere, [2] unde pressim adverbium, idest strictim, [3] et hoc pressorium, idest torcular, scilicet ubi uve premuntur et calcantur, vel potius illud lignum longum quo uve premuntur, [4] et idem dicitur hoc prelum -li, similiter a premendo, unde et dicitur prelum quasi pressorium, lacus, et est ethimologia; vel componitur a pre et longum, quasi pre aliis vel valde longum. [5] Item a premo hoc prelium, quasi ab imprimendo hostes, vel componitur a pre et lite, quia prelium proprie dicitur primus congressus, vel prelium ipse conflictus, bellum ipsa guerra; [6] unde dictum est: Romani sepe vieti sunt in prelio sed nunquam in bello', quia sepe in congressibus vincebantur vel in primis conflictibus, sed nunquam in fine vel in guerra; vel componitur prelium a pre et luendo. [7] Unde hoc preliolum -li diminutivum, et prelior -aris, bellare, prelium committere. [8] Item a premo hoc premium, quia per premia solent premere alios; vel componitur a pre et emo, quasi quod pre aliis emerim, vel a pre et munium quasi pro munio, idest officio, datum; quod autem dicitur premium quasi pre aliis meum ethimologia est. [9] Item a premo presso -as frequentativum, a quo pressito -as aliud frequentativum. [10] Premo componitur apprimo -is, deprimo -is, comprimo -is, exprimo -is, extra premere, effundere, manifestare, representare, [11] imprimo -is, idest valde vel intus premere, infìgere, unde impressus -us; [12] opprimo -is, reprimo -is, supprimo -is; et est activum cum omnibus suis compositis, et corripit hanc sillabarti, scilicet pre-, quam composita mutant in -pri-; et facit preteritum in -si et supinum in -sum.
Colonna con sottomenu di navigazione
