P 130
[1] PLASMOS grece, latine dicitur forma, unde plasmo -as, formare, [2] et hinc plasmator, formator, et hec plasmatura -e et hoc plasma -tis, idest factura, formatura, scilicet quod est formatum vel forma, et quandoque ponitur pro quodam electuario quod format vocem; Persius 'liquido cum plasmate guttur collueris'; [3] et componitur cum cata, quod est supra, et dicitur hoc cataplasma -tis, inductio, medicamen quod supra formam morbi inducitur; [4] idem dicitur et hoc implaustrum vel emplastrum, ab en, quod est in, et plastes, quod est forma. [5] Item a plasmo hic plastes -is, idest forma vel formatio, vel figulus; unde plasticen, scilicet parietum ex gipso vel alio effìgies; [6] et componitur cum graphos, quod est scriptor, et dicitur hic plastographus, idest falsus scriptor, [7] unde hec plastographia, idest falsa scriptura, et plastographus -a -um, falsum scriptum. [8] Item a plastes vel plasmo plastus -a -um, idest formatus, et componitur protoplastus, idest primus formatus. [9] Plasmo componitur complasmo -as, replasmo -as, et est activum cum omnibus suis compositis.
Colonna con sottomenu di navigazione
