P 118
[1] Hic et hec POTIS -e, idest possibilis vel potens, et comparatur -tior -simus, sed hec comparano est tantum secundum vocem, quia signifìcationem mutant: potior enim et potissimus est melior et optimus; [2] unde potiter -ius -me adverbium, et potissime quandoque ponitur pro maxime vel precipue; [3] et nota quod pos -tis invenitur pro potis, unde Cato 'hoc bibe quod pos sis si tu vis vivere sanus', [4] et componitur cum conet dicitur hic et hec compos -tis, idest potens, voti sui assecutor, cui omnia succedunt ad votum; [5] et cum in et dicitur hic et hec impos -tis, idest non potens, qui votum suum ad effectum ducere non potest; [6] et hinc duo verba compotio -is -ivi, impotio -is -ivi: compotio -is, idest investire, 'mando vobis ut compotiatis eum prebenda sua'; impotio -is est contrarium, scilicet disvestire. [7] Item componitur cum pre et dicitur hic et hec prepos -tis, valde vel pre aliis potens. [8] Item componitur cum sum et dicitur possum -tes, de quo postea tractabitur. [9] Item a potis potior -tiris vel -teris potitus sum, idest frui, uti, et construitur sic: 'potior illam rem' et 'illa re' et 'illius rei', et invenitur secundum tertiam et secundum quartam coniugationem, sed in infinitivo tantum est quarte coniugationis, dicitur enim potiri et non poti.
Colonna con sottomenu di navigazione
