P 104
[1] POLLEO -es -ui, idest resplendere, florere, valere, excellere, [2] unde hic pollex -cis, idest grossior digitus, quia inter ceteros polleat virtute et potestate; [3] et componitur cum parco et dicitur hic parcipollex -cis, trahinellum, quia parcit pollici. [4] Item a polleo hec pollis -nis vel hoc pollen -nis, tenuis flos farine vel illa minuta farina que volat in molendino a mola; unde Terentius in Adelphis pollinis ac fumi piena sit faxo'; [5] unde pollineus -a -um, de polline factus vel ad pollinem pertinens, [6] et hec pollenta -te, genus leguminis vel farina subtilis de fabis vel de tritico vel de ordeo, vel quidam cibus inde factus dicitur poilenta. [7] Polleo componitur equipolleo -es, idest equivalere, unde equipollens, et comparatur -or -mus, [8] unde equipollenter -tius -sime adverbium et hec equipollentia -e, idest equivalentia similium rerum, consimilitudo; [9] prepolleo -es, idest valde pollere vel prefulgere, prestare, excellere, precellere; et est neutrum cum omnibus suis compositis et caret supino et facit preteritum in -lui.
Colonna con sottomenu di navigazione
