P 49
[1] PECTO -is -xui vel pexi vel etiam pectui secundum Asprum, sed hoc modo non utimur et raro pexi, et facit supinum pexum, idest pectinare, pectine ornare; et inde pexus -a -um et pexim adverbium, idest ornate, [2] et componitur impexus -a -um, idest non pexus; Oratius in Sermonibus 'impexum feda porrigine'. [3] Item a pecto -is pexo -as frequentativum, a quo pexito -as aliud frequentativum. [4] Item a pecto hic pecten -nis, instrumentum pectendi vel texendi, quia fila telarum reddat pexa et imprimat. [5] Pecten etiam dicitur plectrum cithare et inferior pubes viri vel mulieris et quidam piscis, unde Oratius (sat. 2, 4, 34) 'pectinibus patulis iactat se molle Tarentum'; [6] et inde pectino -as, idest pectere, et hoc pectinarium, locus ubi pecten ponitur, et hic pectinarius et hec pectinaria, qui vel que facit pectines, et pectinarius -a -um. [7] Item a pecto hoc pectus -oris, quia mulieres in pectore solent sibi pectere capillos; vel dicitur pectus a plecto -is quod est flecto -is, quia sit plexum inter eminentes mamillarum partes; [8] vel dicitur a specio -is: alia quidem ani malia pectus habent ad terram oppressum et ab aspectu remotum, sed homines patens et erectum utpote plenum ratione, et ideo non decebat latere. Quod autem dicitur pectus quasi peccati thorus ethimologia est. [9] Unde hoc pectusculum diminutivum et pectoreus -a -um et pectorosus -a -um, magnum habens pectus, [10] et hic et hec pectoralis -le, ad pectus pertinens, et hoc pectorale -lis, zona circa pectus, et pecticus -a -um, idest digestibilis; [11] et per compositionem expectoro -as, idest exsolvere, firmaculum a pectore removere. [12] Pecto componitur compecto -is, idest simul pectere, depecto -is, valde vel in iusum pectere vel deorsum, repecto, et est activum cum suis compositis.
Colonna con sottomenu di navigazione
