P 31
Hic PARADISUS est locus in orientis partibus constitutus, et dicitur Paradisus grece, Ortus latine, Eden ebrayce, quod latine delicie interpretatur. Coniuncta hec duo sonant ortum deliciarum: est enim omni genere tigni et pomiferarum arborum consitus, habens etiam lignum vite; non ibi frigus, non estus, sed perpetua aeris temperies; et dicitur paradisus quasi parans Dei visum vel quasi paratis dans visum, et est ethimologia.