P 25
[1] PARTIOR -ris -titus, unde partitor, partitio et hec partio per sincoparti, et hec partitudo, idest partitio; Plautus in Amphytrione 'proxima partitudo cui competit nequeo comminisci'; [2] et hec pars -tis, unde hic particus -ci, idest negotiator particulas vendens, et partim adverbium, [3] et hic et hec partialis -le, partialiter, partialitas, [4] et hec particula -e diminutivum, unde particularis -e, particulariter, particularitas et particulatim adverbium. [5] Pars componitur hic et hec et hoc expers -tis, idest immunis, sine parte, unde expertius -a -um, idest expers; [6] item componitur particeps, sed superius tractatum est; [7] hic et hec et hoc impers -tis, idest expers, sine parte; Ambrosius Super Egisippum 'vestro prelio omnes implicabuntur, nec erit ulla regio vestri impers cruoris'. [8] Item a pars hec portio -nis, idest pars vel partitio, et componitur hec proportio -nis, idest similitudo, habitudo, comparatio, [9] unde proportionalis -le, proportionaliter, et hec proportionalitas -tis, et differt a proportione quia proportio est habitudo unius ad aliud et proportionalitas plurium habitudinum comparatio inter se. [10] Et nota quod antiqui dicebant partio -tis -tivi, unde composita inveniuntur tam deponentia secundum nos quam activa secundum antiquos in eodem sensu, [11] ut bipertior -tiris et bipertio -tis, in duas partes dividere, et tripertior -tiris et tripertio -tis, quadripertior -tiris, quadripertio -tis, quinquipertior -tiris, quinquipertio -tis, idest in tres vel quattuor vel quinque partes dividere; [12] impertior -tiris, impertio -tis, tribuere, donare, partem dare.