O 39
[1] ORCE grece, recipere latine; unde orcus -ci, infernus, quia semper paratus est recipere, vel quia multa recipiat; vel orcus quasi urgus ab urgendo quia urgeat; [2] et hec orca -ce et hic urceus -ei, quasi orceus, pro eodem vase; unde hec orcula et hic urceolus diminutiva. [3] Item ab orce hec orcestra -e, idest pulpitum vel cathedra nobilium, quia eos separatim a populo recipiebat; [4] et orcestra dicebatur locus separatus in scena ubi nobiles sedebant, unde et sepe ponitur pro nobilibus: Iuvenalis 'similemque videbis orcestram et populum', et idem alibi (7, 47) 'queque reportandis posita est orcestra cathedris'. [5] Item ab orce hec orcas -adis, quoddam genus olivarum, quia multum liquoris recipiunt; [6] vel orce similiter etiam dicitur grece rotundum, unde orci apud Grecos dicuntur testiculi propter rotunditatem, et hinc quedam olive diete sunt orcades, quasi testiculares, quia in modum testiculorum crescant.
Colonna con sottomenu di navigazione
