M 144
[1] MULGEO -es -si -sum; quidam vero ad differentiam predirti verbi, scilicet mulceo, dixerunt mulxi -ctum, quos non sequimur: procul dubio mulceo et mulgeo habent preteritum et supinum in eadem voce. [2] Mulgere est lac de ubere extrahere, unde hoc multrale -lis et hoc multrum et hec multra -e, idest vas in quo mulgetur. [3] Multrum etiam vel multra dicitur hora mulgendi; Virgilius (ecl. 3, 30) 'bis venit ad multram binos alit ubere fetus'. [4] Et hoc mulgarium et hoc mulcrum idem, scilicet vas in quo mulgetur; vel mulcrum dicitur lac novum. [5] Mulgeo componitur commulgeo, demulgeo, emulgeo, immulgeo, permulgeo, remulgeo, et est activum cum omnibus compositis et facit preteritum in -si et supinum in -sum, licet quandoque inveniatur et mulxi et mulctum, sed, ut diximus, errore quorundam fuit hoc usurpatum.
Colonna con sottomenu di navigazione
