M 106
[1] MINUO -is -it -nui -nutum; [2] unde minutus -a -um et comparatur -or -mus, unde minute et minutim -tius -me adverbia, et hec minutia -e, minima cuiuslibet rei portio; unde in Passione Sancti Vincentii Martiris 'salis per corpus crepitantis minutie sparsim ibant'; [3] et minutulus -a -um, aliquantulum minutus, et hec mica -ce, reliquie panis vel quod cadit de pane dum frangitur et comeditur, unde et dicitur sic quasi minutim cadens et est ethimologia; [4] unde micatus -a -um, contritus, in micas diminutus et confractus. [5] Item a minuo hoc minutai -lis, minutum frustum vel genus cibi sic dictum quia fìat de piscibus et insiciis et oleribus minutatim concisis; Iuvenalis 'estivum solitum servare minutai'; [6] et minurrio -ris -rivi, idest minutim cantare, et est omnium minutissimarum avicularum; unde hec minurritio -nis, idest cantilena minutarum avium. [7] Item a minuo hoc minutum -ti, quoddam pondus, scilicet media pars quadrantis; unde in uno evangelio habetur quod mulier pauper et vidua misit in corbonam unum quadrantem, in alio legitur quod misit duo minuta; [8] et minuto -as frequentativum, et hic et hec minor et hoc minus, unde minusculus -a -um, parum minor, et minorculus -a -um idem, et hec minoritas -tis et minoro -as, minorem facete, et est activum. [9] Item a minor minimus -a -um; vel minimus dicitur a numero monadis quia post eum non sit alter; et minus adverbium; et a minimus minime, quod quandoque accipitur pro non. [10] Minor componitur cum sterion, quod est statio, et dicitur hic minister, quasi minor in statione; vel minister dicitur quia offìcium debitum manibus exequatur; [11] et hinc hec ministra et minister -a -um et ministerculus -a -um diminutivum, et ministralis -le et hoc ministerium, servitium, offìcium ministri; [12] unde hic et hec ministerialis -le et per sincoparti hoc misterium, vel potius derivabitur postea a mistis. [13] Item a minister ministro -as, et componitur administro -as, comministro, subministro: a ministrante obsequium redditur, a subministrante subsidium prerogatur; et est activum cum omnibus suis compositis. [14] Item a minuo hoc minium, genus coloris rubei, quia minuatur antequam color inde effìciatur; unde minio -as, idest minio preparare vel describere, unde miniator, qui minio describit vel preparat. [15] Item a minium hic Mineus, quidam fluvius Galitie qui nomen a colore pigmenti sumpsit qui in eo plurimus invenitur: idem et Durius a Grecis, quasi doricus, cognominatus est. [16] Item a minium hic et hec Minia -e, quidam populus, quia eiusdem coloris est cum minio. [17] Et componitur cum graphos et dicitur hic miniographus, qui minio scribit, unde miniographo -as, idest minio scribere, et hec miniographia, scriptura facta cum minio. [18] Item a minium minor -aris minatus: mala minamur, bona promittimus; unde minator, qui nuntiat adversa, scilicet monitor; et dicitur minari a minio quasi ab ardore et rubore et rubicunda acie oculorum quando furiose ardescunt; [19] et hinc mina -e, sed raro invenitur nisi in plurali numero, scilicet mine -arum; [20] et hic et hec et hoc minax -cis, iracundus, fervidus, et comparatur -cior -mus, unde minaciter -cius -me adverbium, et hec minacitas -tis. [21] Item a minor minabundus -a -um, idest similis minanti, et minitor -aris frequentativum. [22] Minor componitur comminor -aris, idest simul minari, increpare, et est deponens cum suis compositis et corripit mi-. [23] Item invenitur mino -as -avi, idest compellere vel ducere; unde illud 'me minavit et adduxit in tenebras'; et est activum cum suis compositis, si qua habet, et producit hanc sillabam mi-. [24] Minuo componitur comminuo -is, dimminuo -is, per duo -mdebet scribi pro disminuo et mutatur s in m; imminuo -is, reminuo -is, sanguiminuo -is, sanguine minui vel sanguinem minuere. [25] Minuo et eius composita omnia sunt activa et faciunt preteritum in -ui et supinum in -nutum.
Colonna con sottomenu di navigazione
