M 4
[1] MACERO -as, conterete, dilaniare, frangere, debilitare, mollificare; unde maceo -es -ui, esse vel fieri macrum, et hinc macesco -scis inchoativum; Plautus in Captivis 'macesco et senesco et tabesco miser'. Item a maceo macer -a -um, tenuis vel subtilis, et comparatur -crior -rimus; unde macre -ius -me adverbium, et hec macritudo et hec macies -ei, exilitas corporis, unde hec maciecula -e diminutivum. [4] Item a macies vel maceo hic macor -ris, idest macies. [5] Macies componitur macilentus -a -um, idest macer, macie plenus, et comparatur -tior -simus; unde macilente -tius -me adverbium, et hec macilentia -e, idest macies. [6] Item a macies pluraliter hec macia -orum, idest intestina, scilicet que sordes eliciunt; invenitur etiam hec macia -e pro quadam specie valde cara. [7] Item a macies maculo -as, deturpare, inquinare, corrumpere, unde maculatus -a -um, et componitur immaculatus -a -um; [8] et hec macula, nota, vitium, turpitudo; macula etiam dicitur squama lorice et fìlum retis; et a macula maculosus -a -um. [9] Maculo componitur commaculo -as et est activum cum omnibus suis compositis. [10] Macero componitur commacero -as, dimacero -as, remacero -as, et est activum cum omnibus suis compositis.
Colonna con sottomenu di navigazione
