L 49
[1] LEO -es -vi -tum, idest delere, destruere, et non est in usu. [2] Et inde leviscor -ris -tus sum, sed non est in usu; et componitur obliviscor -ris oblitus, penultima producta, memoriam alicuius rei amittere, et construitur cum genitivo et accusativo, ut 'obliviscor tui' et 'te', [3] unde hec oblivio -nis et hinc obliviosus -a -um, et comparatur, unde obliviose -sius -sime adverbium et hec obliviositas -tis. [4] Item a leo hoc letum -ti, idest mors, quia let, idest delet, vitam; unde letalis -le, mortalis, letaliter, idest mortaliter, et hec letania, idest rogatio vel invocatio proprie pro mortuis facta, et letatus -a -um, idest mortuus vel mortifìcatus, unde Ovidius Metamorphoseos 'quo simul intravit letataque corpora vidit'. [5] Letum componitur letifer –a -um, idest ferens mortem, et cum fagin, quod est comedere, et dicitur hic letifagus -gi, idest vermis mortuorum corpora comedens, unde Ovidius De remediis 'ilio letifagos ilio sirenes in antro esse puta'; vel legitur ibi letofagos, sicut postea dicetur. [6] Item a leo hec Lethes -this, palus infernalis, quia delet memoriam, unde interpretatur oblivio, quia ex quo anime bibunt de aqua illius patiuntur oblivionem preteritorum, secundum poetas, vel futurorum, secundum philosophos. Unde letheus -a -um, infernalis vel pertinens ad Lethem vel obliviosus; unde et lethea papavera dicimus, quia oblivionem comedentibus conferunt. [7] Et hic lethargus -gi, idest morbus oblivionem afferens et somnum, unde Boetius in Philosophia inquit 'lethargum patitur scilicet communem morbum illusarum mentium'. Unde lethargicus -a -um, idest obliviosus, qui lethargum patitur, et hec lethargia -e, ipsa oblivionis infirmitas, scilicet oppressio cerebri cum oblivione et somno iugi. [8] Item a Lethes hec lethos, quedam arbor, cuius fructus gustatus confert oblivionem; et componitur cum fagin, quod est comedere, et dicitur letofagus -gi, fructus illius arboris, qui valet ad vitandum amorem, unde Ovidius De remediis 'ilio letofagos ilio sirenes in antro esse puta'. [9] Leo componitur deleo -es -evi, destruere. Leo et eius composita sunt activa.
Colonna con sottomenu di navigazione
