H 57
[1] HONORO -as, honorem impendere, unde honoratus -a -um et qui recipit et qui impendit honorem; et comparatur -tior -simus, unde honorate -tius -sime adverbium et honoratorius -a -um, quod impendit honorem vel quod est honori, [2] et hic et hec honorabilis et hoc -le, dignus honorari vel aptus honorare; et honorabilis quasi honori habilis, idest aptus ut accipiat vel tribuat honorem; et comparatur -lior -simus, unde honorabiliter -lius -sime adverbium, [3] et hec honorabilitas -tis, et componitur inhonorabilis, idest non honorabilis, et similiter comparatur. [4] Item ab honoro hic honor vel honos, unde honorculus -li diminutivum, et honorus -a -um, et componitur inhonorus -a -um. [5] Item ab honor honestus -a -um, qui nichil habet turpitudinis, quasi honoris statum conservans; et comparatur -stior -simus, unde honeste -stius -sime adverbium, et hec honestas -tis, idest perpetuus honor, quasi honoris status; et componitur inhonestus -a -um, idest non honestus, et comparatur. [6] Item ab honestus honesto -as, honestum reddere, et componitur dehonesto -as, inhonesto -as, valde dehonestare vel potius diffamare, vituperare, ab honestate removere, et sunt activa. [7] Item honor componitur honorifico -as, honorare, unde honorificus -a -um, et comparatur, sed eius comparativa non sunt in usu; et hic et hec et hoc honorificens -tis, sed non est in usu, tamen eius comparativa sunt in usu: [8] fit ergo quedam mixta comparano ex comparativis istius et ex hoc positivo, honorifìcus -centior -centissimus, ude honorifice -centius -centissime adverbium, et hec honorificentia -e, ab honorifìcens, idest honorabilitas. [9] Item ab honorifìco hic et hec honorificabilis -le, et comparatur -lior -simus, unde honorificabiliter -lius -sime adverbium, et hec honorificabilitas -tis, [10] et hec honorificabilitudinitas -tis, et est longissima dictio que in ilio versu continetur 'fulget honorificabilitudinitatibus iste'. [11] Honoro componitur cohonoro -as, idest simul honorare; dehonoro -as et exhonoro -as, idest vituperare, extra honorem facete et ponete; inhonoro -as, idest non honorare, contra honorem facete, vituperare. Honoro activum est cum omnibus suis compositis.
Colonna con sottomenu di navigazione
