F 46
[1] FISIS grece, latine dicitur natura, unde fisicus -a -um, idest naturalis, et hec fìsica pro quadam arte que de rerum naturis tractat, quasi scientia de naturis. [2] Et hinc fisicus -a -um, qui de arte illa tractat vel quod ad artem illam pertinet, ut 'fisicus liber'; et hic fisicus -ci et hec fìsica -ce qui vel que tractat illam artem vel secundum illam. [3] Item a fisis fìsiculatus -a -um, idest naturalis, unde Martianus 'fìsiculatis extoum prosicis viscera loquebantur', idest naturalibus signis; et fisiculo -as, idest divinare vel pronunciare, unde fisiculatus -a -um, idest divinatus vel pronuntiatus, in quo sensu potest legi in predicto exemplo Martiani. [4] Item a fisis et logos, quod est sermo vel ratio, componitur hic fisiologus -gi, qui loquitur vel qui tractat de naturis rerum.