F 33
[1] FIBLIN dicunt Greci; hinc nos hec fibula -le, qua pectus feminarum ornatur vel fìrmatorium quo pallium tenetur in humeris et cingulum in lumbis; unde Ovidius in secundo Metamorphoseos 'fìbula vestem cohercebat vita'. [2] Et inde fibulo -as, idest fìbulis ligare; et componitur affibulo -as, idest alligare et proprie mantellum; confibulo -as, idest simul fibulare; diffibulo -as et defibulo -as, idest dissolvere, disligare; [3] effibulo -as, idest similiter exsolvere, unde Prudentius in Sicomachia (633) 'avulsis effibulat ylia zonis'; infibulo -as, idest illigare vel fibulas immittere; prefibulo -as, idest ante vel ab anteriori parte fibulare; refìbulo -as, idest iterum fibulare vel diffibulare; [4] subfibulo -as, idest subligare, unde hoc subfìbulatorium, idest subligatorium, et hoc subfibulum, idest subligaculum, vel potius componitur a sub et fìbula. [5] Fibulo -as activum est cum omnibus suis compositis et potest pertinere ita ad mantellum sicut et ad hominem. [6] Item a fìbula hoc fibularium, idest illud quod apponitur mantello et per quod immittuntur fìbule ne dissipent mantellum.
Colonna con sottomenu di navigazione
