E 84
[1] ENEAS -e, unde hic Eneades -e, filius vel nepos Enee; et quicumque descenderunt ab Enea dicuntur Eneade, ut Romani. Et inde, subtracta 'de' sillaba, dicitur hec Eneas -dis, filia vel neptis Enee. [2] Item invenitur hic Eneus -i, et inde hic Enides -e; et, subtracta 'de' sillaba ab eo quod deberet dici Eneides, fit hec Eneis -dis, idest fìlia vel neptis; sed hoc nomine iam magis utimur pro historia facta de Enea, unde liber Virgilii sic intitulatur: 'incipit Eneis Virgilii'.