Recte deffinit apostolus: Avaritia est ydolorum servitus. Sicut enim ydololatra servit simulacro, sic avarus thesauro. Nam ille cultum ydololatrie diligenter amplificat, et iste cumulum pecunie libenter augmentat. Ille cum omni diligentia colit simulacrum, et iste cum omni cura custodit thesaurum. Ille spem ponit in ydololatria, et iste spem ponit in pecunia. Ille timet mutilare simulacrum, et iste timet minuere thesaurum.
Colonna con sottomenu di navigazione
