M 114
[1] MIRON grece, latine dicitur unguentum; unde hic miro -nis, idest unguentarius, et mirius -a -um, bene redolens. [2] Miron componitur cum copos, quod est labor, et dicitur hic mirocopus, unguentarius, qui laborat circa unguenta facienda vel vendenda: et idem dicitur cyrocopus -pi a cyros, quod est manus. [3] Item componitur cum pole, quod est vendere, et dicitur hic et hec miropola -e, qui vendit unguenta; unde Plautus (Cas. 226) 'miropolas omnes sollicito ubicumque est lepidum unguentum'; [4] unde hoc miropolium, idest domus unguentaria, ubi venduntur unguenta; unde Plautus in Epico 'per miropolia et lanienas defessus sum querendo'; idem Plautus (Amph. ioii) 'omnes plateas perreptavi gimnasia et miropolia'. [5] Eadem domus dicitur et propola -le, unde hic propolarius, idest venditor, et propolarius -a -um et comparatur -or -simus, unde propolariter -rius -sime, a pro et pole, quod est vendere, quasi pro vendere facta; [6] unde Prudentius in libro Ymnorum contra hereses (Ham. 761) 'balnea, propolas, meritoria, tempia, teatra'; hoc etiam nomine potest dici quelibet domus ad vendendum aliquid facta. [7] Item componitur cum teca et dicitur hec miroteca, idest unguentorum repositorium; et cum xeron, quod est siccum, et dicitur hoc xeromirum, idest siccum unguentum, quasi manibus confectum. [8] Item componitur cum balanum, quod est unguentum de balano factum, et dicitur hoc mirobalanum, quasi redolens balanum, quia fìat ex glande balani odorata.
Colonna con sottomenu di navigazione
