G 18
[1] GAMO grece, nubo latine, inde gamos, latine nuptie vel uxor vel mulier, quod componitur cum monos quod est unum et dicitur monogamus -a -um, unigamus -a -um, qui uni tantum nupsit, scilicet qui vel que habuit vel habet unam uxorem vel unum maritum. [2] Componitur quoque bigamus -a -um, qui duobus nupsit, scilicet viris vel uxoribus; trigamus et quadrigamus et pentagamus, exagamus, scilicet qui vel que tribus vel IIII vel V vel VI nupsit. [3] Item componitur cum a, quod est sine, et dicitur agamus, qui nulli nupsit, quasi sine coniuge, et hinc hec monogamia -e et unigamia -e, bigamia, digamia, trigamia, quadrigamia, pentagamia, exagamia, agamia, idest une nuptie, due, III, IIII, V, VI, vel nulle; vel proprietas qua aliquis dicitur monogamus vel bigamus et cetera. [4] Item gamos componitur cum pir, quod est ignis, et dicitur Pergama, edifìcia troiana quasi per ignem et mulierem destructa, vel a per et gamos, unde pergameus -a -um, idest troianus, et, quia Pergama altissima erant, ideo olim omnia alta edifìcia vocabantur pergama. [5] Item componitur cum salio et dicitur hoc salgamum, idest culcitra.
Colonna con sottomenu di navigazione
