Calvos cantores abbates doctores etiam et episcopos esse ac sacerdotes
Carmina, clarisonae, calvis cantate, Camenae.Coniubilant calvi celso clamore canori
Continuantque choro castas cantare choreas.
Conformes capiti, concordi corpore cuncti
Complacitas cleri contendunt condere caulas,
Correpto cornu caelestia classica clangunt.
Conficiunt carum Cristi cognomine crisma;
Consociant cuneo conspersos crismate coetus.
Concordes caute celebrant convivia cenae;
Consaturant Cristi convivas carne, cruore.