T 121
[1] TYRO grece, latine dicitur fortis vel angustia, unde hec Tyrus, quedam insula et quedam civitas sic dieta ab angustia loci, unde et tyrus angustia interpretatur, et inde tyrius -a -um, gentile vel patrium. [2] Item a tiro quod est fortis hic tirannus -ni, fortis rex: olim reges et tiranni nullam habebant differentiam, unde fortes reges tiranni vocabantur; sed postea accidit tirannos vocari pessimos et improbos reges, luxuriose dominationis cupiditatem et crudelissimam dominationem in populis exercentes, a tiro quod est angustia quia angustiat et cruciat suos; [3] unde hic tirannulus diminutivum, et tirannicus -a -um, et hec tirannia -e, et tirannis -idis, idest crudelitas, et per compositionem tirannicida, qui occidit tirannum, unde hoc tirannicidium, tiranni occisio. [4] Item a tiro, quod est fortis vel angustia, hic tiro -nis, idest novus miles, noviter ad militiam electus, quia fortis ad hoc offìcium solet eligi, vel quia ad adquirendam probitatem multo se angustiat. [5] Unde et tiro dicitur quilibet ignarus et rudis cum aliquid incipit exercere, unde hic tirunculus diminutivum, et hoc tirocinium, nova militia, offìcium tironis et rudimentum, initium, novitas militie.
Colonna con sottomenu di navigazione
