N 56
[1] Hec NORMA -e grece, latine dicitur regula; et inde norma dicitur cementariorum ad quam oportet respondere structuram parietum, extra quam nichil rectum fieri potest. [2] Sed componitur ex tribus regulis, ubi due sunt duorum pedum, tertia habet pedes duos et uncias X, quas equali crassitudine politas extremis acuminibus sibi iungit, ut scema trigoni faciant: id erit norma. [3] Norma componitur hic et hec abnormis -e, denormis -e, enormis -e, innormis -e, omnia in eodem sensu, scilicet deformis, turpis, immanis, grandis, irregularis, illimitatus, crassus; Oratius (sat. 2, 2, 3) 'rusticus abnormis sapiens crassaque Minerva'; et comparatur; [4] unde hec abnormitas -tis, denormitas, enormitas, innormitas.
Colonna con sottomenu di navigazione
