F 34
[1] FIDO -dis fìsus sum, verbum neutropassivum, unde hic et hec et hoc fidens -tis, tam nomen quam participium; et secundum quod est nomen comparatur, unde fìdenter -tius -sime adverbium et hec fidentia. [2] Item a fido fidus -a -um, et qui fìdit et in quo quis fìdit: fìdus amicus dicitur, fìdelis famulus; et comparatur -dior -simus, unde fide -ius -me adverbium, et hec fiducia -e. [3] Et est fiducia in bonis rebus et in malis et sepius in bonis et confidentia in malis; et hinc fiducio -as, verbum activum, idest fìduciam prestare, quod vulgariter solet dici affidare. [4] Et componitur affiducio -as, ad aliquem fìduciam et securitatem dare; confiducio -as, idest simul fìduciam dare; diffiducio -as; effiducio -as; infiducio -as, impignorare, publicare, diffidare. Fiducio activum est cum omnibus suis compositis. [5] Item a fiducia fiducialis -le, fiducialiter adverbium, et hec fiducialitas -tis, et fiduciarius -a -um idest fidus. [6] Item fiducia est cum res aliqua sumende mutue pecunie gratia vel mancipatur vel in iure creditur; et hinc fiduciarius dicitur possessor vel qui rem alienam fiduciadm accipit, idest in fiducia et tutela. [7] Fidus componitur infidus -a -um, idest non fìdus, et comparatur. [8] Item a fido hec fides -ei, que facit nos fidere, vel potius derivabitur a fio fìs. [9] Fido componitur confido -dis confìsus, unde confidens, et comparatur, unde confidenter -tius -me adverbium et hec confidentia -e, et accipitur in malo sicut dictum est, ut 'confidenter' vel 'cum confidentia ille loquitur', idest audacter, presuntive vel cum audacia et presuntione. [10] Componitur etiam diffido -dis, idest non fidere. [11] Fido cum omnibus suis compositis est neutrum nec hoc quod est neutropassivum impedit, quia omne neutropassivum est neutrum; est enim neutropassivum genus species neutri. Item fido et eius composita producunt hanc sillabam scilicet fi.
Colonna con sottomenu di navigazione
