P 133
[1] PLAUDO -is -si -sum, idest manus repercutere, manus ex letitia claudere et insimul iungere, manibus sonum facere, gaudere, et ponitur sepe pro iungere vel repercutere; [2] unde plausus -sus, manuum repercussio, exultatio manus repercutiendo; [3] et plausibilis -le, plausibiliter. [4] Plausus componitur plausidicus -a -um, qui dicit plausum, plausificus -a -um, qui facit plausum; [5] et, pro au posita o, dicitur plodo -is plosi -sum pro plaudo, unde plosus -a -um pro plausus, idest repercussus vel clausus et coniunctus. [6] Plaudo componitur applaudo -is, alicui plausum facere, [7] unde hec aplauda -e vel apluda, idest sorbitiuncula ex paleis facta circa quam pueri solent applaudere; Nevius 'hercule non est hodie aplauda nequior quam tu'; et aplauda dicitur furfur; [8] complaudo -is vel complodo -is, idest simul plaudere vel insimul repercutere et claudere manus, et ponitur simpliciter pro coniungere vel concutere, [9] unde complosus -a -um, concussus vel coniunctus; Lucanus 'complosas tenuisse manus'; [10] displodo -is, idest manus aperire, et ponitur simpliciter pro aperire vel rumpere, discutere, quassare, [11] unde displosus -a -um, idest discussus, apertus, diruptus; Oratius 'quartum vesica displosa pepedi'; [12] explodo -is, manus relaxare, aperire, excutere, vel extra plausum facere et ponere vel eicere et expellere. Plaudere et plodere pro gaudere manus repercutiendo neutra sunt cum omnibus suis compositis, pro coniungere vel claudere vel repercutere activa sunt cum suis compositis que hanc signifìcationem redolent.
Colonna con sottomenu di navigazione
