A 120
[1] ALIUS -a -ud nomen ad aliquid est abnegativum, et potest dici de pluribus quam duobus, cum alter non dicatur nisi de duobus; et differt similiter a ceterus: nam alii dicuntur ex alio numero, sed ceteri ex eodem; unde alienus -a -um extraneus, unde alieno -as -vi verbum activum, idest alienum facete, et inde verbalia; et componitur abalieno -as et inde verbalia; [2] et ab alienus et genitus dicitur hic et hec alienigena, alia patria natus, et ab alius alias, idest in alio tempore et tunc est adverbium temporis; vel alias idest in alio loco et tunc est locale, vel alias idest aliter, et tunc est qualitativum; et ab alius alio, et signifìcat ad locum, quod componitur cum versum vel orsum et fit aliorsum, quod similiter signifìcat ad locum; [3] et alius componitur cum quis et fìt aliquis -qua -quid et cetera, cuius ablativus scilicet aliquo ponitur adverbialiter, et signifìcat ad locum; quod componitur cum versum vel orsum et fit aliquorsum, idest versus aliquam partem. [4] Item alius componitur cum quot et fit aliquot, pluraliter tantum, et est indeclinabile et omnis generis, unde aliquotiens adverbium numeri; et componitur cum quantus et fìt aliquantus -a -um, unde aliquantulus -a -um diminutivum; et aliquantumcomponitur cum per vel parum et cum diu et fit aliquantisper et aliquamdiu. [5] Item alius componitur cum quando et fìt aliquando temporale, et cum ibi et fìt alibi locale, et cum ubi, interposita c, et fit alicubi; et cum unde et fìt aliunde; et interponitur c et fìt alicunde pro eodem et significat aliunde et alicunde de loco, ut alicunde de aliqua parte; alibi et alicubi significant in loco; et alius componitur cum quin et fìt alioquin, idest aliter, qualitativum adverbium.
Colonna con sottomenu di navigazione
