U 53
[1] Hic URVUS vel urbus pars est aratri vel sulcus aratri, unde hec urbs -bis, quia aratro olim murus eius solebat designati, vel urbs quasi orbs ab orbe, idest rotunditate, quia olim urbes rotunde solebant fieri et fiunt adhuc. [2] Et sola Roma per excellentiam Urbs dicitur, cetera oppida, vel cum adiuncto, urbs Bononia, urbs Parma: oppidum ad habitatores pertinet, civitas ad leges, urbs ad utrumque; [3] unde urbanus -a -um, civis et proprie romanus, vel curialis, et secundum hoc comparatur, unde hec urbanitas, idest curialitas, et componitur inurbanus, rusticus, non urbanus, et comparatur, unde inurbanitas.
Colonna con sottomenu di navigazione
