T 141
[1] TORPEO -es -pui, idest languere, pigrere, deficere, stupere, mutire, quadam admiratione vel timore affici, unde hic torpor -ris, et torpidus -a -um, stupidus, et comparatur, unde torpidulus -a -um, aliquantulum torpidus, et hec torpiditas -tis. [2] Item a torpeo torpesco inchoativum, et hec torpedo -nis, idest torpor; torpedo etiam genus piscis dieta quia corpus torpescere faciat: si quis eam viventem tangat, tanta est vis eius ut etiam aura sui corporis affìciat membra. [3] Item a torpeo turpis -pe, informis quia torpeat, et comparatur, unde hec turpitudo -nis; et turpo -as, inquinare, turpem facere, unde turpeo -es -ui, idest esse vel fieri turpem, et hinc turpesco inchoativum. [4] Turpo componitur deturpo -as, et est activum cum suis compositis. [5] Item turpis componitur turpilucrus -a -um, turpiter lucrum faciens, unde hoc turpilucrium, turpis adquisitio lucri. [6] Torpeo componitur contorpeo -es, detorpeo -es, idest valde torpere vel a torpore removeri, intorpeo, retorpeo, [7] et hinc inchoativa contorpesco, detorpesco, et cetera. Torpeo cum suis compositis neutrum est et caret supino.
Colonna con sottomenu di navigazione
