P 90
[1] PINA grece fames dicitur, et componitur cum pro vel procul et elicitur hec propina -e, scilicet locus iuxta balnea publica ubi post lavacrum a fame et siti reficiuntur, et dicitur sic quasi propellens famem, quia hic locus famem pellat; [2] vel popina dicunt Greci et inde nos corrupte dicimus propina pro tali loco; simpliciter tamen modo propina dicitur taberna quelibet quia famem pellat. [3] Unde propinula -e diminutivum et propino -as, miscere, potum administrare; unde hic propinator, qui potum administrat, unde Ovidius 'inde propinator nimium ne vina propinet', [4] et hoc propinatorium, domus vel locus unde propinatur vel ubi propinatur, et propinito -as frequentativum, idest frequenter propinare.
Colonna con sottomenu di navigazione
