M 56
[1] MATHO grece, idest disco vel doceo, [2] unde hec matesis -sis, penultima producta et sine aspiratione, idest divinatio, unde matematicus -a -um, idest divinator; Iuvenalis (6, 562) 'nemo matematicus genium indemnatus habebit'. [3] Item a matho hec mathesis, penultima correpta et cum aspiratione, idest doctrina, scilicet quadruvium, unde illud (Eberh. 10, 211) 'scire facit mathesis, sed divinare matesis'. [4] Unde mathematicus -a -um, doctrinalis, quadruvialis, et hec mathematica -ce, idest quadruvium, quasi doctrinalis scientia, vel quia illa venitur ad theologiam, que est doctrina doctrinarum, scientia scientiarum, [5] vel quia maior doctrina sit in mathematica quam in aliis, quia cum in aliis artibus solo sermone fìat doctrina, in hac etiam visu fìt quia quod verbo dicitur et ratione, fìguris sub oculis ostenditur; [6] vel dicitur doctrinalis quia circa posteriora consistit, quia ibi fit doctrina de corporibus per ea que circa corpora sunt; unde mathematica dat initium, phisica provectum, theologia consummat imperfectum. [7] Matho vel mathesis componitur cum centrum, quod est punctus quo circulus volvitur, et dicitur hoc mathesiscentrum, idest disciplinaris vel doctrinalis punctus circuii.
Colonna con sottomenu di navigazione
