L 97
[1] LOQUOR -ris -cutus, unde locutor -ris et hec locutio -nis et hec loquela [2] et hic et hec et hoc loquax -cis, idest assiduus et abundans in locutione, et comparatur -cior -simus; [3] unde loquaciter -cius -me adverbium, et hec loquacitas -tis, idest abundans locutio, et loquaculus -a -um, idest aliquantulum loquax. [4] Et per compositionem doctiloquus -a -um, dulciloquus -a -um, turpiloquus -a -um, et antiloquus -a -um, qui primo loquitur, et multiloquus -a -um et stultiloquus -a -um; [5] unde hoc doctiloquium, dulciloquium, turpiloquium, multiloquium, et stultiloquium, antiloquium, idest prima locutio; unde Macrobius De Saturnalibus 'meminerunt sibi antiloquii'. [6] Item componitur diversiloquus -a -um, unde hoc diversiloquium. [7] Item loquor componitur cum ad et dicitur alloquor -ris, idest loqui ad, unde ex vi prepositionis construitur cum accusativo rei rationalis, ut 'alloquor te', idest loquor ad te; et est alloqui orantis et iubentis, eloqui oratoris est, obloqui obtrectantis; [8] colloquor -ris, idest simul loqui, unde hoc colloquium, concilium vel contio vel quod vulgo dicitur parlamentum; [9] eloquor -ris, idest valde vel ornate vel aperte loqui et manifeste enuntiare, et est oratoris ut dictum est, unde hoc eloquium; [10] preloquor -ris, ante loqui, unde hoc preloquium; [11] proloquor -ris, idest preloqui vel in conspectu et palam loqui, et pro alio loqui, et procul loqui, unde hoc proloquium; [12] obloquor, idest contra loqui vel male et detractive loqui, et est obtrectantis, ut dictum est; [13] reloquor, iterum vel retro loqui. Loquor et eius composita sunt deponentia et corripiunt hanc sillabam loubique et in supino et in nominibus verbalibus et in participio preteriti temporis mutant q in c.
Colonna con sottomenu di navigazione
